طبعا توي كنا نحكي عن الخالة كهربا وكيف بتقطع بدون مقدمات بس بتضلها طيبة وع البركة لانه بتضل ست كبيرة بس النت عاد هادا واحد لئيم وبختار الوقت المناسب اللي بقهرني دايماً مشان يفصل فيه
مثلاً لما تيجي الكهربا وانا انبسط واقوم افتح اللاب مشان افتح النت بقوم بلاقيه فاصل
او بنفس اللحظة الي بفتحوا فيها الماتور فانا بكون مبسوطة بقوم بفتح النت بلاقيه فاصل
مثلاً بكون بكتب رد مهم او بعمل آب لوود لصورة او فيديو أو بتلقى ملف مهم في نفس اللحظة اللي بكون ضايل لهدا الملف نتفة صغيرة بس.. بقوم النت بيفصل مش لو كان فصل باول الوقت كان انا ما ادايقتش هلقد
مثلا بكون قاعدة بحضر فيديو ع يوتيوب عند أهم كلمة الي من اول الفيديو بستنى اسمعها بقوم بيفصل
وبضل يفصل مشان يجبرني اضل قاعدة قدام الراوتر "داره للنت" يعني بحس حالي زي الشحاته واقفه ع بابه وبقول لله يا محسنين شوية نت
وبضل اراقب بالضواي وهي بتضوي وبتطفي ع مزاجها ولما اشوف الاضواء استقرت وكل اشي صار تمام بروح ع غرفتي وبقعد ع مكتبي ولسا بدعس بالماوس كليك مشان افتح لينك بلاقيه فصل
برجع تاني بوقف عنده وبضل اطلع فيه يمين وشمال إنو يزوق على دمو أبداً ولا عندو دم اساسا
ههههههههههههههههه وأنا أشهد :))
ردحذفنت لئيييييييييييييييييييم
هههههه انتي اكتر واحدة معانية منه معي يا رييييييم بس ملاحظة انه اللئيم وريم ع نفس القافية :)
ردحذف