كتير من الناس مابتحب زنخة البيض رغم انه البيض اساسي بشغلات كتير بنعملها بالمطبخ ..
اليوم عملت اومليت بالجبنة بصراحة كان رائع وطعمه مميز ورح احكيلكم الطريقة بالتفصيل الممل .. وبتمنى اني اكون أفدتكم فيها
أول شيء بلزمنا بيض ملح وفلفل اسمر وطحين وحليب سائل وجبنة (النوع اللي بتفضلوه) .. انا بستخدم نفس الجبنة اللي بحطها على البيزا ..
الحليب بضيع زنخة البيض بس ما تكترو منه والطحين بخلي البيض كثيف وبعطيه طعم روعة ..
اول نصيحة انكم ما تحمو زيت الدرة قبل ما تقلوا لاء حطو زيت الدرة وهو بارد ع النار وع طول ديروا الخليط اللي حكينا عليه وفوائد هاي الطريقة اول شيء مابخليه يلزق وتاني شيء البيض بيستوي ع مهل وبكون طعمه روعة ..
بس تبدا يستوي البيض من تحت بنحط عليه شرايح الجبنة على نصه وبنسكر ع النص التاني وبعدين بناخدها ع الفرن مشان تكمل استواها .. وتسيح الجبنة وتتفاعل مع البيض وبصير عندكم وجبة رائعة جداً وطعمها ونكتها اشي مميز .. والف صحة وعافية على قلوبكم ...(نور..*)
البيض طبعاً...
بعد اضافة الحليب السائل ..
اضافة الملح والفلفل والطحين ..
حطينا المازولا عالقلاية.. بس مابنخليها تحمى ع طول بندير المزيج ..
وهنا المزيج ماتقلقو من حبيبات الطحين بتستوي لحالها وبتدوب ..
بس تبدا تستوي بنصف عليها الجبنة تقريباً على منتصف القرص ..
بنقلب نص الدائرة على النص التاني وبنحطها شوية بالفرن مشان الجبنة تستوي ع المزبوط ..
والآن بعد ما استوت ..
شكرن على الوصفه الحلوه
ردحذف