كنت بالمطبخ قاعدة بحط كبايات بوظة وبراد مشان الواحد يبرد ع حاله بهالشوب ،،
أختي حكتلي : بدي اروح اصلي واقعد ع النت ،،
انا بعرفش كيف سمعتها بتقول انا بدي اروح اصلي وانام
بحكيلها بدك تنامي؟؟؟
حكتلي :ليش في حد عاقل بينام والكهربا جاية أكيد بديش أنام بدي أقعد ع النت..
كملت أحط بالبوظة لانها شبه ساحت ووديت الكبايات .. ودخلت ع غرفتي وبدت الدقائق والساعات تمر والكهربا لسا جاية والنت بيفصل شوية وبرجع تاني بس وضعه تمام ..
دق النعس ع الباب ونعست كتير بس مستخسرة أقوم أنام والكهربا جاية والنت جاي بدي اكون عاقلة ومش مجنونة ع قولة أختي ،، خليني أخلص كل الشغل اللي عليا ... مع انو في صار بعقلي صراع مابين إني أضل اشتغل واخلص اللي عليا مشان استغل فرصة الكهربا جاية بالليل أو إني أقوم انام على التكييف برضو استغل هاي الفرصة لاني كل يوم لا بقدر اشغل المكيف ولا الهواية بسبب انقطاع الكهرباء بالليل
طيب أيهم أهم النوم على المكيف ولا الشغل ومشروع التخرج؟؟
اكيد الشغل ومشروع التخرج ،، وبالتالي مضطرة للبقاء أمام اللابتوب للعمل والمغامرة لأنه بأي لحظة ممكن تقطع الكهربا فاضطر اقوم انام بس يستنفذ اللابتوب كل الطاقة اللي فيه وتطفي البطارية ووقتها لما اشوب وانا نايمة بقول ياريتني قمت نمت والكهربا جاية وفتحت المكيف .. طيب مش احسنلي من هالكتابة هاي كان خلصت شغلي وقمت نمت ع المكيف ولا الحكاية هي بس تضيع وقت والسلام؟؟
هههههههههههههههه يقبرني اللي بستغل وقته الضااائع بس :))
ردحذفتسلميلي ريمووووو حبيبتي :)
ردحذف