يا روح تيتا يا حبيب تيتا يا عمر تيتا تعال تعال اقعد عندي مشتقالك كتير أنا ..
الولد لسا يادوب بوصل عند ستو الا هو بشوف ابن عمو اللي بيلاوئ عليه الا هوا بحكيلو بس يا حيوان يا .... يا ... توووووت ! !
هييييييييييييييي ! شهقة قوية من سته وهي بتتطلع في أبوه من وين متعلم ابنك الالفاظ هادي أكيد من اخواله انا عارفة اصلا ولادي بحكوش هادي الالفاظ بالمرة ،، وينك يما اسمع تاني مرة ماتخليش الولاد يقعدو مع خوالهم كتير بتعلمو منهم كلمات والفاظ مش منيحة !
الابو بضل ساكت وبحاول يغير الموضوع وبسألها عن اخبار اخوه الا هي بتحكيلو تجبليش سيرتو اخوك هادا الا نيلة تغتو ! واحد حمار بفهمش ! ينصرف هال..... توووووت !!
بعد اكم من يوم بتروح مرتو لابنها للي بتحكي تووووت عند اهلها زيارة وكالعادة امها بترحب وبتأهل وبتسهل في ولادها وفش خمس دقايق بيبدو ولادها يفوعو وبتبدا الالفاظ الحلوة اللي زي الورد تطلع ولك يا... اسكت يا... انصرف يا ..... وفجأة وبين كل الياءات هادي شهقة بس بصوت اعلى من شهقة ستو ام ابو هيييييييييييييييي ولك من وين ولادك متعلمين الالفاظ هادي آآه اكيد من عمامهم يختي انا ولادي بحكوش كلام زي هيك عمرنا ما حكينا هالحكي هادا احنا في الدار تاني مرة يمّا بتضلي حواليهم ما تخليهم يطولو كتير لمصلحتك وتربية ولادك وفجأة وبينما الام بتعطي نصائح لبنتها فإزا بابن البنت بيجي بدو يكسر المزهرية اللي جابلهاياها جوزها في عيد الشجرة فإزا بها بتقولو ولك ابعد يا..... توتتتتتتت !!
وبين توووت توووت وولادي ومش ولادي واصحك واوعك واحنا ومش احنا ضاع الولاد ومعاهم ضعنا احنا !
فعلا واقع مرير ...
ردحذففي أبيات بأرددها دائما ...
مشى الطاووس يوما باختيال فقلد شكل مشيته بنوه
فقال علام تختالون قالوا سبقت به ونحن مقلدوه
وينشأ ناشئ الفتيان منا على ما كان عوده أبوه
كتابة متميزة
"Ahmed"
وااااقع ..ههههه
ردحذف