ولك ابعدي حدفع فيكي 50 شيكل !

مرة في زات المرات اللي دايما بغلط فيها وبركب عن الشارع مع اني يمكن هادي المرة السبعين بعد الألف ... لالا المرة الثانية والسبعين بعد الألف اللي بقول فيها اني مش حرجع اركب عن الشارع تاني وبرجع بركب ولازم بس اركب اشوف العجب ! 
وبلا طول سيرة وقال وقلنا وما قلناش الوحد ما معه وقت .. هلئيت بنحط لايك بدون ما نكمل نقرأ شو كاتبة وبنمشي ! ماااشي حدخل بالقصة بس خلوني آخد نفس مش منطق يعني ! اوكي اوكي ..
اركبت بالسيارة والسواق ماشي زيو زي هالسواقين في شارع زيو زي هالشوارع وفجأأة وووووووووووووووووببببببب السيارة صارت زي كانو احنا بالملاهي والسواق صار يروح يمين وشمال وصوتو عالي يلعن تووووووووووت ولك حدفع فيكي 50 شيكل مش بكفي المرة اللي فاتت دفعت 50 شيكل
انا عاملة زي هيك بالزبط (وجه مبلم) نيلة !! هي دية البنت الصغيرة 50 شيكل !! وهو يعني مش قلبو ع البنت مش مشكلة خايف ع المصاري اللي بدو يدفعهم ! طيب انا حاولت اتطلع من الشباك مشان اشوف البنت هادي مين بتكون ! ياعمي فش ولا بنت بالمكان ! الا هو السواق بعد ما قلطنا الا هو بتطلع ع اللي جمبه وبحكيلو اسكت ولك المرة اللي فاتت لما قتلت واحدة تانية دفعت 50 شيكل حتى البسس صرنا ندفع عليهم !! انا كلمت الشيخ والشيخ حكالي وهو ولا ع بالو ادفع خمسين شيكل والله ما هو الواحد ناقص .. طبعا انا الوجه المبلم عامل إف 5 ولسا مبلمة فيهم !! نيلة !! يعني لو مش دية البسة 50 شيكل كان صرت تقتل بسس طول ما انتا ماشي كانك بتلعب جيم ع البلايس تشين ولا ع الوي ! 
ياوردي بجد ياوردي !!